Aste Santua 2024

Kaixokaixo aratzkide!

Udaberria hemen daukagu eta honekin batera Aratzen aste santuko irteera. Urte honetan Urnietara joan gera berriz ere (bai, badakigu, begiraleen etxe gogokoena) eta ezin hobe pasa dugu.

Koxkorrak euskaldun peto-petoak izan dira: herri kirolak, plaza dantzak, mendi bueltak, eta okupatutako gaztetxea defendatzeko borroka ere bai! Oinarinek talde dinamikak landu zituzten eta azkarrekin batera aktibitate bat egin ere. Garrantzitsuena, ordea, hiruhileko abentura: beldurrezko gaua! Urnietako etxea buruz behera jarri zuten eta beste aratztarrei sustoak ematen pasa zuten gaubela bat. Askok ez zuten lortu amaierararte iristea!! Azkarrek, oinarinekin aktibitateaz aparte, enpresa lantzen jarraitu dute, baita bere begiraleei kriston aktibitate bat egin ere. Azkenik, trebeak beti bezain aktiboak egon dira: lehenengo egunean pilota partida, bigarrenean Adarra goraino igotzea, eta gutxi izango balitz, kordiei aktibitate bat ere egin zieten. Aupa zuek!

Denbora librea betiko martxan pasa genuen: gitarra, txirula, karta-jolasak, futbola, siesta, pultserak… ezin gara kexatu. Beste adarreko lagunekin, begiraleekin, eta biejekin denbora pasatzeko ere aprobetxatu genuen.

Azkenik, talde egunean Grezia zaharreko olinpiadetara bidaiatu genuen. Aintzinaldiko zibilizazioz mozorratu eta jainko eta jainkosen minifrogak egin genituen, baina kontuz, Hades eta Minotauro maltzurra hortikan zebiltzaten eta. Bazkari goxo batekin indarra hartu ondoren Urnietako plazara jeitsi ginen, Olinpiadak ziren eta! Herrialde bakoitzaren indar eta abilezia frogatu genuen froga olinpiko ezagunenetan: korrika, arrautz-lasterketa, sumo, luzera-jauziak, petanka... Eguna gaubelan amaitu genuen, Lililako lorearen historia entzuten eta beste taldeen antzerkietaz gozatzen.

Azkeneko hiruhilekoarekin a tope jarraitzen dugu: badatoz Azkarren bazkaria, kurtso amaierako merendola, irla eguna, eta konturatu baino lehen… Kanpa!!

Tipi tapa tipi tapa...

Kaixo ekipo!

Dakizuen bezela, azken 10 egunetan zehar Korrika ibili da Euskal Herri osoa gurutzatzen, eta larunbat gauean iritsi zen Donostiara. Han egon ginen, nola ez, Aratzeko haur, begirale, bieja eta gurasoak, gure Zurriola pasealekuko kilometroan. Auzoko gazteekin jolas batzuk egin ondoren, jai giroan aldarrikatu genuen euskarazko aisialdia denon eskubidea dela. Aratz ere euskararen alde!!

Muxu bat eta irteeran ikusiko gara :)

Iñauteriak 2024

Kaixo kaixo!

Duela astetxo batzuk iñauteriak ospatu genituen. Bidebietako frontoiean elkartu ginen eta adar bakoitzak bere mozorrorik ederrena prestatu zuen. 

Brrrrumm… brrrrumm… nortzuk datoz hortik? Lasterketa bat da! Mario kart! Baina, begiraleak dira! Mario, Luigi, baby Peach, Yoshi… ez zen inor falta. Bakoitza bere kotxe tuneatu eta pertsonalizatuan ziztu bizian atera zen lasterketa irabazi nahian. Besteen kontra talka egin, platanoekin irristatu… ez zen uste bezain erreza izan. Baina oso ondo pasa genuen.

Piratak ere hor izan ziren: koxkorrak! Marradun kamisetak, katalejoak, partxeak, painoleta zapi moduan… ez zitzaien ezer falta. Oso apain zeuden denak, seguru bere patroi ezezaguna, pirata Mangamon, oso harro zegoela. 

Azkarrek ezin zuten mozorro aratztarrago bat egin. Bakoitzak kantzioneroko bere abesti gustokoena hautatu eta hortaz mozorratu ziren. Benetan mozorro originala. Marinela, flamenka, zumbona eta guzti. Aupa azkarrak!

Trebeak eta oinarina, hori sasoia! Txirrindulari profesionalak ziruditen bere mozorroarekin. Bidebietako tourra ere egin zuten denok animatzen genituen bitartean. 

Ondoren denok batera jolas ezberdinak egin genituen: muxu-plakaje, mario bideojokoa… eta bukatzeko, merendola denentzat. Ñam, ze goxua! 

Hurrengora arte, Aratz ;)