2025 Kanpa: Lollano

Kaixo, maitiak!

Astebete pasatxo igaro da kanpa amaitu zenetik eta gu ezin asimilatu gabiltza. Zer moduz zuek? Faltan botatzen dituzue gurin eta mermeladazko tostadak? Ziur baietz, eta, ezetz badiozue, ogia bakarrik eskatzen duzuelako izango da. Tira, abuztuan oporrak hartzen ditugu Aratzen, baina jakin ezazue denok gaudela berriz klabijak lurrean sartzeko irrikitan. Baina horretarako ia urtebete itxaron beharko dugunez, bitartean aurtengo kanpaldiko laburpentxoa irakur dezakezue. Zuen gustokoa izatea espero dugu. ❤

Aurten, ezaguna dugun inguru batetara itzuli gara: Errioxako Cameros eskualdera. Zehazki, Villanueva herritik gora igota topatzen den Lollano Ermitan kokatu genituen intendentzi eta konpainia. Zuhaitzez jositako kanpa, jolasteko zelai zabalekin, baita frexkatzeko iturri bat ere. Ibairik ez, ordea, baina moldatu ginen. Zaldiak izan ditugu inguruan trostan, nahiko beldurgarriak, egia esan, baina bakezaleak. Oinarinek diote behin haien dendak bixitatu zituztela gauerdian, edo hori diote behintzat. Ez dakigu, agian azkarrak izango ziren. Azeriren batek ere aprobetxatu du gaueko iluntasuna intendentziko janari artean miatzeko. Ez dakigu, baliteke hori ere azkarrak izatea.

Koxkorren gaia kanpan zehar zirkoa izan da. Hainbat gaitasun landu dituzte: oreka, malgutasuna, pazientzia... betidanik izan dira nahiko bihurriak, baina aurtengo kanpan demostratu digute zirkuko pailazo, ekilibrista, malabarista eta aurkezle izateko prest daudela. Konpleto!

Oinarinen kanpako ardatza Gose Jokoak izan dira. Barruti guztiak ezagutu eta kanpan zehar jokoetarako entrenatzen egon dira. Ah, eta elkar hiltzen. Ezin fiatu inoretaz! Kapitolioko estrafalarioek ere bixita egin zieten, sukaldaritzako banketea dastatu nahi zutelako.

Azkarrek denetarik egin dute kanpan zehar: olinpiadetan haien artean lehiatzetik potinje itxurako slime bat sortzeraino. Ekintza intimo bezela, norberak bere kezka, beldur eta intseguritateak harrietan irudikatu zituen marrazki ezberdinen bitartez, eta kanpan bertan lurperatu zituzten. Baliteke etorkizunean baten batek harriak topatzea, baina gure azkarrek dagoeneko askatu dituzte zama guzti horiek.

Trebeak binaka jarri eta adarkideei ekintza sorpresak antolatu dizkiete. Piratak izan dira, fruta saltzaileak ere... denetarik. Gainera, kanpan zeharreko haria "denboraren kutxa" izan da, eta egunez-egun egindakoa eguneroko batetan bildu dute. Halaber, etorkizuneko trebe ohiek irakurriko dituzten galdera batzuk jaso dituzte bertan, 7 urte barru erantzuten saiatzeko.

Rutarako inguru paregabea da Cameros. Baso hezez jositako mendiak ditu alde bietara eta herri mordoxka bat dago ezagutzeko. Koxkorrena ruta apala izan da, eta ibiltzen baino, nahiago izan zuten indarrak gorde El Rasilloko lakuko gabarroian zilipurdika ibiltzeko. Oinarinek konpromezua erakutsi dute eta gelditu gabe ibili dira kilometroak bata bestearen atzetik motxilara gehitzen. Azkarrek ruta ezberdinena egin dute, azkenean Torrecillako igerilekuan eguna oinarinekin batera pasatzeko. Trebeek hankak nekatzeaz gain, Anguianoko dantzarien jeitsiera gozatzeko aukera izan zuten.

Rutatik itzuli eta dena doa ziztu bizian: sukaldaritzak, superbibentziak, alderantzizko eguna, adarka azken ekintzak... batzuek adar batetik bestera salto egitea darabilte buruan eta, ohartzerako, soka pasatzen ari dira.

Hori baino lehen, baina, talde eguna: non geratzen den denbora. Lau taldetan banaturik (Paleolitoa, Erdi Aroa, Flow 2000 eta Etorkizuna) pilak kargatzea lortu genuen. Arratsaldean, denboraren makina osatu behar izan genuen, baina badirudi gure pilak ez zirela aski indartsuak. Bai, aldiz, estralurtarrena. Gin gan golo golo golo entranteak... martzianoak iritsi eta haien makina konektatu zuten. Gaubelarako, historiako gertakari garrantzitsuenak haien meritua direla erakutsi ziguten; bereziki, TA KO TE A hasteko behar dugu ES NE A...

Hori izan da aurtengo kanpa, aratztar maiteok. Gozatu denok udara, opor onak pasa eta oso laister sutondoan elkartuko gara.

Aioooo!! 💐

Koxkorrak Ategon

Kaixo berriz ere! Joan den asteburuan koxkorrek asteburu berezia izan zuten: irteeratxo labur baina intentsoa. Larunbat goizean denak elkartu eta Irunera joan ziren suhiltzaileen lana ezagutzeko. Mangerak, kamioiak, kaskoak, gas maskarak... zeinen beharrezkoak diren suhiltzaileak! Hemendik eskerrak eman nahi dizkiogu Irungo suhiltzaile taldeari bixita gidatua antolatzeagatik. Onenak zarete.

Bazkalorduan Hondarribira joan eta paseo polit bat eman zuten Bidasoa ibaiaren ondotik. Egia esan, eguraldia oso ondo portatu zen. Bazkalostean parke bat inbaditu eta zilipurdika pasa zuten arratsaldea.

Donostira itzulita, Ategorrietan afaldu zuten borobilean eserita, saltxitxak eta txokolatezko jogurta gailetarekin. Ñam! Begiraleak primerako txefak dira eta edonon presta dezakete Mitxelin izar bat irabazteko moduko menua.

Azkenik, egunari amaiera emateko, 'Aupa Etxebeste!' filma ikusi zuten. Lehen aldia batzuentzat, enegarrena beste batzuentzat, baina dibertigarria denentzat. Ondoren, esterila batzuk bildu eta denak lotara. Gabon <3

Kanparako atzera kontua hasi da, hilabete besterik ez da falta! MMMMUAAAAA

Oinarinak Askizun

Kaixo, Aratz! 

Aste Santuko irteera duela gutxi izan zen, baina oinarinek badakite edozein aitzaki dela ona elkar ikusteko. Horregatik, urtean zehar prestatu duten irteeratxoa izan zuten joan den asteburuan. Askizun egon ziren, Getaria eta Zumaia arteko herrixka jator batean. 

Gurasoei mese-mese eraman kotxez eskatu eta ostiral arratsaldean iritsi ziren. Eskolagatik nekatuak, baina bihotza beteta. Nekatuenak begiraleak… gainera, ez zekiten oinarinek ordu t’erdiko gaubela zutela prest! Abestiak barra-barra, tinieblas ta ribode. Ez zen ezer falta. 

Larunbata, egun on. Goizaldeko euriak harrapatu aurretik, ateri zegoela aprobetxatu eta bueltaxka bat eman zuten herri ingurutik. Euria hastean, aterpetxera itzuli eta gaztatxoak lortzen ibili ziren tribial moduko ezagutza jolasean. Eta bazkaltzeko arroza ñam-ñam.

Oraindik ez dakigu nortzuk izango diren kanpako intendenteak, baina argi daukagu oinarinak hautagai oso onak direla. Tira, batzuk beste batzuk baino gehiago. Sukaldari lanetan pasa zuten arratsaldea, haragi pastela eta takotea prestatzen: intendente berriaren bila. Eguna amaitzean, zinema saioa eduki zuten. Lau koltxoi bildu eta norbera bere zakuarekin pelikula ikustera (baten batek zakua partekatu zuen).

Azken egunean, asteburuko ekintza dibertigarriena: etxea jaso eta garbitzea. Bazkalostean, gurasoak bila etorri eta Donostira buelta. 

Larunbatera arte, maitiak!