Kaixo, Aratz! Abenduaren 3a, euskararen eguna! Badakizue Aratzen egun kuttuna dugula hau. Gure hizkuntzari merezi duen hauspoa emateko, joan den asteburuan denok elkartu eta herri kiroletan jardun genuen Bidebietako frontoiean: sokatira, zaku lasterketa eta harri (bidoi) jasoketa, besteak beste. Primeran pasatu genuen! Eta noski, amaitzeko, txokolatada goxoa. Gabonak bertan ditugu eta irteera ere bai. Laister arte, beraz!
Besarkada <3
Kaixo, Aratz!! Itzuli gara!!
Ikasturtea hasiera eman genion duela pare bat aste Urnietako Elketa basetxean egin genuen irteeran. Nahiko genukeena baino motzagoa izan da aurten. Hala ere, momentu guztiak aprobetxatu ditugu elkarrekin egon eta ongi pasatzeko. Ostiralean denak gentozen eskolatik, unibertsitatetik, lanetik… apur bat desubikatuta. Baina behin motxila hartu eta autobusera igota txipa aldatu genuen denok.
Urnietara iritsi eta elkar ezagutzeko eta berotzen hasteko jolasak egin genituen. Izenak errepasatu genituen eta aurpegi berriak ere ezagutu. Ondoren, afaltzeko norberak ekarritako bokata/makarroi tuperra edo dena delakoa. Eta gaubelan, ikasturte honetako adarren antolaketa zein izango den ezagutu genuen. Nortzuk izango dira gure begirale? Asmatu! Batzuk galduta ibili ziren, beste batzuk nahiko fin. Bat ala beste, dinamika polita izan zen denok elkarren ondoan egon eta urteari hasiera emateko.
Larunbat goizean adar berrietan banatu ginen eta ekintza ezberdinak egin genituen. Koxkorrak herrira jeitsi ziren eta froga ezberdinak egin zituzten pistak lortu eta hiruhilekoko gaia asmatzeko: autobus magikoa! Oinarinak nor da nor? erraldoira jolastu ziren. Elkarren artean taldeka lehiatu ziren adarkideak ezagutzeko. Azkar mendizaleak ditugu aurten eta Goiburu auzora igo ziren eta denetarik izan zuten goizean zehar: aizkolaritza eta guzti! Azkenik, trebeak busti egin ziren ezagutza galdera uste baino zailagoekin: zein da nire kolore gustokoena? Eta nire amonaren izena? Erantzun zuzena eman ezean, uretara!
Arratsaldean Urnietako Zoora egin genuen bidaia eta taldetan banaturik (narrastiak, hegaztiak, intsektuak eta arrainak) bertako animaliak askatu genituen. Bitartean, pinguinoei bere hegazkina eraikitzen lagundu genien eta lehoi, hipopotamo, zebra eta jirafarekin batera alde egin zuten handik. Gaubelan, Afrikako sabanara ihes egin zutela jakin genuen baina, haien espezietakoek onartzen ez zituztela ikusita, Madagascarrera egin zuten ospa lagunek. Baita Julian erregeak ere.
Eta hau izan da aurtengo lehen irteera. Ikasturtea martxan dugu dagoeneko eta hemendik aurrera larunbatero ikusiko dugu elkar. Ze gogo!
Besarkada bana, Aratz!!
Kaixo, maitiak!
Astebete pasatxo igaro da kanpa amaitu zenetik eta gu ezin asimilatu gabiltza. Zer moduz zuek? Faltan botatzen dituzue gurin eta mermeladazko tostadak? Ziur baietz, eta, ezetz badiozue, ogia bakarrik eskatzen duzuelako izango da. Tira, abuztuan oporrak hartzen ditugu Aratzen, baina jakin ezazue denok gaudela berriz klabijak lurrean sartzeko irrikitan. Baina horretarako ia urtebete itxaron beharko dugunez, bitartean aurtengo kanpaldiko laburpentxoa irakur dezakezue. Zuen gustokoa izatea espero dugu. ❤
Aurten, ezaguna dugun inguru batetara itzuli gara: Errioxako Cameros eskualdera. Zehazki, Villanueva herritik gora igota topatzen den Lollano Ermitan kokatu genituen intendentzi eta konpainia. Zuhaitzez jositako kanpa, jolasteko zelai zabalekin, baita frexkatzeko iturri bat ere. Ibairik ez, ordea, baina moldatu ginen. Zaldiak izan ditugu inguruan trostan, nahiko beldurgarriak, egia esan, baina bakezaleak. Oinarinek diote behin haien dendak bixitatu zituztela gauerdian, edo hori diote behintzat. Ez dakigu, agian azkarrak izango ziren. Azeriren batek ere aprobetxatu du gaueko iluntasuna intendentziko janari artean miatzeko. Ez dakigu, baliteke hori ere azkarrak izatea.
Koxkorren gaia kanpan zehar zirkoa izan da. Hainbat gaitasun landu dituzte: oreka, malgutasuna, pazientzia... betidanik izan dira nahiko bihurriak, baina aurtengo kanpan demostratu digute zirkuko pailazo, ekilibrista, malabarista eta aurkezle izateko prest daudela. Konpleto!
Oinarinen kanpako ardatza Gose Jokoak izan dira. Barruti guztiak ezagutu eta kanpan zehar jokoetarako entrenatzen egon dira. Ah, eta elkar hiltzen. Ezin fiatu inoretaz! Kapitolioko estrafalarioek ere bixita egin zieten, sukaldaritzako banketea dastatu nahi zutelako.
Azkarrek denetarik egin dute kanpan zehar: olinpiadetan haien artean lehiatzetik potinje itxurako slime bat sortzeraino. Ekintza intimo bezela, norberak bere kezka, beldur eta intseguritateak harrietan irudikatu zituen marrazki ezberdinen bitartez, eta kanpan bertan lurperatu zituzten. Baliteke etorkizunean baten batek harriak topatzea, baina gure azkarrek dagoeneko askatu dituzte zama guzti horiek.
Trebeak binaka jarri eta adarkideei ekintza sorpresak antolatu dizkiete. Piratak izan dira, fruta saltzaileak ere... denetarik. Gainera, kanpan zeharreko haria "denboraren kutxa" izan da, eta egunez-egun egindakoa eguneroko batetan bildu dute. Halaber, etorkizuneko trebe ohiek irakurriko dituzten galdera batzuk jaso dituzte bertan, 7 urte barru erantzuten saiatzeko.
Rutarako inguru paregabea da Cameros. Baso hezez jositako mendiak ditu alde bietara eta herri mordoxka bat dago ezagutzeko. Koxkorrena ruta apala izan da, eta ibiltzen baino, nahiago izan zuten indarrak gorde El Rasilloko lakuko gabarroian zilipurdika ibiltzeko. Oinarinek konpromezua erakutsi dute eta gelditu gabe ibili dira kilometroak bata bestearen atzetik motxilara gehitzen. Azkarrek ruta ezberdinena egin dute, azkenean Torrecillako igerilekuan eguna oinarinekin batera pasatzeko. Trebeek hankak nekatzeaz gain, Anguianoko dantzarien jeitsiera gozatzeko aukera izan zuten.
Rutatik itzuli eta dena doa ziztu bizian: sukaldaritzak, superbibentziak, alderantzizko eguna, adarka azken ekintzak... batzuek adar batetik bestera salto egitea darabilte buruan eta, ohartzerako, soka pasatzen ari dira.
Hori baino lehen, baina, talde eguna: non geratzen den denbora. Lau taldetan banaturik (Paleolitoa, Erdi Aroa, Flow 2000 eta Etorkizuna) pilak kargatzea lortu genuen. Arratsaldean, denboraren makina osatu behar izan genuen, baina badirudi gure pilak ez zirela aski indartsuak. Bai, aldiz, estralurtarrena. Gin gan golo golo golo entranteak... martzianoak iritsi eta haien makina konektatu zuten. Gaubelarako, historiako gertakari garrantzitsuenak haien meritua direla erakutsi ziguten; bereziki, TA KO TE A hasteko behar dugu ES NE A...
Hori izan da aurtengo kanpa, aratztar maiteok. Gozatu denok udara, opor onak pasa eta oso laister sutondoan elkartuko gara.
Aioooo!! 💐
